~تبي تعرف مدى شوقي~

تبي تعرف مدى شوقي وكيف إني أنا مشتـاق؟
تبي مقياس حبّي لـك قياسـه ويـن ودانـي؟
"
تعال اجلس هنا جنب الضلوع وراقـب الخفـاق
وشوف اشلون سوّابي غـلاك وكيـف خلانـي
"
سألت القلب جاوبني بزفراتـه مـن الأعمـاق
وحيفه يسمعه كل مـن يمـر صوبـه وعدانـي
"
له اصوات الحزن مغنى يترجمها من الأشـواق
يسيل ابكبريا دمعـه! ولاينقـص بهـا شانـي
"
سألت الروح تواقه بشوفـة مـن لهـا تـواق
تجي بطيوفها حولـك تـداري بـك بجنحانـي
"
تقول إني وهج شوقي مولـع صوبكـم بشفـاق
وحسب إني معك صامد واثاري حبـك اعيانـي
"
سألت ادروبنا قالت أبي وصـلٍ بـدون افـراق
أبـد ماينقطـع دربٍ ولابـي غيركـم ثـانـي
"
نبت ودّي على ودّك طريـقٍ صوبكـم ينسـاق
عسى امزون الوصل تثمر لقـا مابيننـا عانـي
"
ولا تسأل عن اعيونـي لأنـك داخـل الأحـداق
رسمتك في هدب عيني نقشتك داخـل اجفانـي
"
لَوَ اغمض أَوَ افتح أعانـق صورتـك بشـراق
صبح عمـري مسـا ليلـي تنادينـي بتلقانـي
"
عرفت الحين ياعمري مدى شوقي وكيف اشتاق؟
خلاص ارجوك لاطول ترى اسمك على السانـي!

مما تصفحت